Euskara Araban mahaingurua

Joseba Kamiok parte hartuko du mahai inguruan. Hizlari ona, merezi du entzutea, ziur naiz gauza interesgarriak esango dituela.

http://www.euskaraba.com/euskara/albisteak/mahai-ingurua-euskararen-komunikazioa-arabarako

Nafarroa Oniez 2011

Nafarroa Oinez 2011
LELOA
Hamaika urtetan zehar Nafarroaren Erdialdeko Zonalde honetako bizilagunak euskaraz komunikatu izan dira. Oraindik ere hamaika toki eta herri-izen, hizkuntza adierazpen zein abizen bizi-bizirik daude.
Hamaika izan dira, era berean, gure herriak gainditu behar izan dituen sufrimendu eta oztopoak, gure arbasoen herentzia den hizkuntza, jaso dugun ondare historiko eta kulturala, bizirik mantentzeko egin diren ahaleginetan.
Hamaika izan dira azken urteotan, ilusioz eta iraunkortasunez, lan egin dutenak gure arbasoen hizkuntzaren lekukoa galdu ez dadin.
Hamaika gara gaur, gure sustraiak sentitzen ditugunok, betidanik berea izan den lur honetan Euskara bizitzen jarrai dezan nahi dugunok. Hamaika ere, kultur ondare preziatua den gure hizkuntzarekiko errespetua eta ardura eskatzen dugunok.
Hamaika lagunengan konfiantza ezarria daukagu, herentzia defendatuko dutelako uste osoa daukagu.
Hamaika izango garenak, hamaika etorriko direnak. Oinez 11.
Leloaren ideia Endika Irisorena zen.

LOGOA
Logoak, Franziska enpresak (http://www.lafranziska.blogspot.com/) sortua, hamaika zenbakia modu abstraktuan irudikatzen duten bi forma geometrikoz osatutako imagotipo bat erakusten du. Forma horiek haurren eraikuntza joko piezadun klasikoak gogora ekartzen dute, non helburua egitura jakin batzuk irudikatzeko edo imitatzeko hamaika pieza taldekatzea baitzen. Joko horiek familia osoa jolastera bultzatzen zuten, txikienetik hasita helduenera.Guk honako hauek lortu nahi genituzke: joko honen izaera edo funtsa Nafarroa Oinezeko urte honetan guztian iraun dezan, gero eta pieza gehiago erabil ditzagun, denok parte har dezagun, eta nork bere harri-koskorra jar dezagun. Zenbat eta pieza eta pertsona gehiagok parte hartu, orduan eta oihartzun handiagoa lortuko dugu eta gehiago hurbilduko gara geure helburuetara

ARABA EUSKARAZ 2012

Aspaldiko lagunak!!
Opor luzearen ondoren bagatoz barriro be. Bastidan ospatuko den 2012ko logoa duzue hemen.
Eta ez ahaztu igandean Tafallan dugula Nafarroa oinez.

Despues de unas largas vacaciones volvemos al blog. Aqui teneis el logo del Araba Euskaraz del año que viene. También recordaros que el domingo tenemos una cita en Tafalla en el NO.

ARTEA OINEZ

NAFARROA OINEZ KILOMETROAK-ekin batera arte erakusketan
Bi jaiek bultzatutako egitasmoa da Donostian ikusgai dagoena
Kilometroak eta Nafarroa Oinezeko arduradunen eskutik uztailak 15ean zabaldu zen Artea Oinez erakusketa Boulevard-en, Okendo kalearen ertzean, KUTXAk duen aretoan.
Nafarroa Oinezek antolatutako arte erakusketak ospe handiko artistak bildu ditu berriro ere, hala nola batzuek aipatzearren: Jose Ulibarrena, Faustino Aizkorbe, Jose Ramon Anda, Nestor Basterretxea, Pedro Chillida, Iruña Cormenzana, Xabier Elizalde, Koldobika Jauregi, Jesus Lazkano, Xabier Morras, Dora Salazar, Daniel Tamayo, Zumeta, eta beste 65 artistaren obrak daude ikusgai.
Erakusketaren ordutegia, uztailaren 15etik 31era bitartean izango da.
Sarrera dohakoa da.
Egunero zabalik da, 11:30 - 13:30 eta 17:00 - 21:00

Arteazalea bazara, eta ikastolak lagundu nahi badituzu,
ZATOZ erakusketara gustukoa izango baituzu!

IKASYS HOME

IKASYS HOMEn koaderno berriak dituzu uda honetarako:
"OKD: Oporretako Koaderno Digitalak"

Egunero zertxobait arituz, IKASYS Proiektuko jardueretan oinarrituta,
ikasturteko lana berrikusteko aukera eskaintzen du.
- Lehen Hezkuntzako (3. mailatik 6. mailara) eta DBHko (1. eta 2. mailak) ikasleei zuzenduta.
- OKDak arlo hauetan dituzu: Euskara, Gaztelania, Ingelesa, Matematika, Ingurunea (LHn soilik), Gizarte Zientziak eta Natur Zientziak (DBHn soilik). Koaderno bakoitza 8-10 saio edo sekuentziaz osatuta dago; guztira, 1.500 ariketa inguru.
- Multimedia baliabide ugari.
- Berehalako zuzenketa eta egindako lanaren jarraipenerako aukera.

Koaderno digitalekin aritzeko bi aukera dituzu:

1. IKASYS HOME (online)
- Hauek etxeko edozein ordenagailutan erabil daitezke, online, Internet bidez.

- Gurasoek seme-alaben lanaren jarraipen zehatza egiteko aukera.
- Prezioa: 7 € (Arlo bateko Oporretako Koaderno Digitala).
- Erosketa burutu ahala koadernoa erabilgarri (bidalketa gasturik ez).
- Koaderno hauek kontratatzeko, erregistratu: http://home.ikasys.net



2. OKD (USB euskarrian)
- Hauek Windows inguruneko edozein ordenagailutan erabil daitezke, Interneteko konexiorik gabe.
- Prezioa: 25 € + bidalketa gastuak (Maila bateko Oporretako Koaderno Digitalen bilduma).
- Eskaerak egiteko edo argibide gehiago eskuratzeko:
- http://ikastola-denda.com

- ehi@ikastola.net
- 943 445 108 edo 943 377 211

.