Berriak

2009/12/02

EGUNKARIA LIBRE

Denok dakizuenez, abenduaren 15ean Egunkaria kasuko auzipetuen epaiketa hasiko da.

Euskararen Gizarte Erakundeen Kontseiluak, Egunkariaren aurkako epaiketaren atarian egonik, epaiketa salatzeko eta auzipetuei elkartasuna adierazteko kontzentrazioak deitu ditu Euskal Herriko hainbat herri eta hiritan arlo eta sektore desberdinetako herritarrak bilduz.

Oraingo honetan, helburu berdina tartean, datorren ostiralean, abenduak 4an, eguerdiko 12etan, Landako Gunean, Liburu eta Diska Azokarekin bat eginez, Hezkuntza arloko eragile eta eskola komunitateko kideoi parte har dezagun dei egiten digu (deialdia erantsitako artxiboan)

Ikastoletan, mezu orokorrarekin bat eginik, badugu zio berezia parte hartzeko gure lankide bat, Xabier Oleaga hain zuzen, auzipetu horietakoa baita.

2009/12/01

EUSKARAREN EGUNA-ABENDUAREN 3an

Lehenengo Euskararen Eguna

Euskararen Eguna 1949ko abenduaren 3an ospatu zen lehenengo aldiz. Garai hartako Espainiako egoera politikoak eraginda, Ipar Euskal Herriko hiru probintzietan eta Ameriketako hainbat lekutan egin zen.

Egun ofizialaren izendapena

1995ean egindako Kanpoko Gizataldeen Lehen Mundu Biltzarrean, Uruguaiko ordezkaritzak Euskararen Egunak berrindartzea proposatu zuen, eta Diasporako euskaldunentzat hain garrantzitsua zen eguna ofizial izendatzea. Horrela, Euskaltzaindiak eta Eusko Jaurlaritzak ongi iritzi eta abenduaren 3a, Xabierko Frantziskoren eguna, Euskararen Egun ofizial izendatu zuten.

Nafarren patroiaren egunean, Xabierko Frantzisko egunean ospatzen dugu EUSKARAREN EGUNA. Ikastolan ere izango dugu ospakizuna, eskola orduetan izango da.

PROGRAMAZIO BEREZIA (Lehen Hezkuntza)

Goizez:
09:30 Girotze saioak
Euskararen aldeko zizka-mizka
(esaldiak, marrazkiak, denborapasak eta pegatinak)
10:00 Ikasleen ekitaldia ( Ikusleak :LH 1 eta 3)
11:30 Ikasleen ekitaldia (Ikuskeak: LH 4, 5 eta 6)

Arratsaldez:
15:20 Multizinema (LH 5 eta 6)
Euskaraz kontu-kontari (LH 1, 3 eta 4)
15:40 Harrera eta bertsoak Argitxori
16:00 Abesti saioa
16:20 Euskal Bingoa

2009/11/23

EDUCACIÓN EN REBAJAS-BEHERAPENAK HEZKUNTZAN

Krisian murgilduta jarraitzen badugu ere, 2010.eko Hezkuntza Sailaren aurrekontua %4ean hasiko da. Baina aurrekontuaren banaketa aztertzerakoan “kuriosidadez” betea azaltzen zaigu.
Publikako personal gastuak %9an igotzen dira eta beste partida gehienak beherantz egiten dute. Arlo sozialean, hezkuntza bereziko partida zein etorkinak eskolatzeko partidak %42 eta %16an jaisten dira. Irakasleak euskalduntzeko partida (IRALE) %33an jaisten da.
Proiektu berritzaileak bultzatu ditugu betidanik ikastoletan, gure balio erantsia da. Ba atal honetan ere beherapenak azaltzen dira. IKT (Informatika) dinamizatzeko partida miloi bateko zen 2009ko aurrekontuetan. Zapateroren PCak erosteko erabili zuen Hezkuntza Sailak 2009an, ba 2010erako zuzenean kendu egin du Hezkuntza Sailak (Zapateroren PCak ordaintzeko oraingoan ere?). Hizkuntza proiektuan (HIZPRO) ere jaitsiera nabarmena azaltzen da.
Aurrekontu lege horrek Ikastolari eragingo dio, ez bakarrik proiektuetan eta formakuntzan, baita gastu korrientean ere. Urte bat eta biko geletako diru laguntzak %18an jaitsiko dira hurrengo ikasturterako. Non geratzen da Sailburuaren diskurtsoa?
Nabarmenagoa izango da ikastolen elkartean izango duen eragina, formakuntzan, materialgintzan, eragin zuzena izango du. EZ GAITEZEN ITO, TRAGAU BARIK.